Saç tökülməsi başlayıbsa, əvvəlcə bunun səbəblərini araşdırın. Saçlarınız niyə tökülür?

Saç tökülməsinin səbəbləri

• Stress (əsəbilik)
• Vitaminsizlik
• Hamiləlik və südvermə dövrü
• Hormonal pozulma.

Əgər sizdə əsəb pozulması varsa, 1 ay müddətində gündə 3 dəfə yeməkdən əvvəl əsəb sakitləşdirici çay (Sedativ çay) içməyinizi məsləhət görürəm.

Vitamin və mineral çatışmazlığını aradan qaldırmaq üçün mövsümi meyvələr və göyərtilər yemək önəmlidir. Əgər sizdə qurd xəstəliyi varsa, nə qədər meyvə yeyilsə də xeyri olmayacaq. Mütləq qurdlardan yaxa qurtarmaq lazımdır. Bunun üçün 10 gün müddətində gündə 3 dəfə Teazol çayı içməyinizi məsləhət görürəm. 1 aydan sonra müalicəni təkrar edin.

Hamiləlik dövründə saçlar

Hamiləlik və laktasiya dövrlərində lazımi dərəcədə meyvə, tərəvəz, göyərti yeyilsə, əsəblərinizi qorusanız saç tökülməsi olmayacaqdır.

Hormonal pozulma zamanı qanda α-5 – reduktaza fermentinin miqdarı artır, bu da qanda dihidrotestesteronun miqdarını artırır, sonuncu saç diblərinin reseptorlarına təsir edir və keçəllik baş verir. Bu zaman  fermentləri blokadaya almaq lazım gəlir, bunun üçün cırtdan palma meyvəsinin ekstraktından istifadə olunur. Bu zaman kişilərdə həm də prostat problemləri baş qaldırır.

Bütün bunlardan əlavə saçlara normal qulluq olunmalı, saç diblərini dərinləşdirən vasitələr həmişə istifadə edilməlidir. Əgər saçlarınızın canlı, sağlam olmasını istəyirsinizsə, yuyunmazdan 2-3 saat əvvəl saçlarınızın diblərini qara zirə yağı ilə masaj edin. Yumazdan əvvəl 1 xörək qaşığı bibəriyyə, tapmasanız lavanda bitkisini 2 stəkan suda dəmləyin, üzərinə 2 xörək qaşığı alma sirkəsi əlavə edin. Yuduqdan sonra bu dəmləmə ilə saçlarınızı yaxalayın, sonra su tökməyin. Saçlarınızın soğanaqları dərinləşəcək, qaşınma və kəpək götürüləcək, saç tökülməsi dayanacaqdır.

Saç tökülməsinin ən yaxşı müalicə üsullarından biri də başdan 3 yerdən həcəmət olunmaqdır. Bu zaman baş dərisinin qidalanması artır, dərialtı mübadilə yaxşılaşır və saçtökülmə aradan qalxır. Hətta yeni tökülmüş saçlar belə yenidən bərpa olunur.

Yuyunan zaman çalışın dəfnə sabunu ilə yuyunasınız, bu sabun tam təbii olmalıdır və nəinki saç, bütün dəri problemləri zamanı istifadə oluna bilər.

Saçların bərpası üçün maska

Bu maska yeni tökülmüş saçları bərpa edir və yeni ağarmağa başlamış saçları qaraldır:

• Kənd yumurtasının sarısı – 1 ədəd
• Alma sirkəsi – 2 xörək qaşığı
• Gənəgərçək yağı – 2 xörək qaşığı
• İtxiyarı meyvəsi (xiyərək) – 1 ədəd

Bunları bir-birinə qarışdırın, başınıza çəkin, 2 saat gözləyin, əgər yandırsa daha az gözləyə bilərsiniz və yaxud it xiyarının yarısını istifadə edə bilərsiniz. Bu maskanı həftədə 3 dəfə edə bilərsiniz. İtxiyarını tapmaq mümkün olmadıqda maskanı onsuz da hazırlayıb istifadə etmək olar.

Gərginlik tipli baş ağrıları böyüklərdə daha çox görülərkən, miqren uşaqlıq çağı baş ağrılarında daha qabarıq olur və daha tez-tez rast gəlinir.

Başqa sözlə desək, baş ağrısı olan bir uşaqda miqrenin olma ehtimalı baş ağrısı olan böyüklərdən daha çoxdur.

Böyüklərdə baş ağrılarında ağrı daha geniş bir sahəyə yayıldığı halda, uşaqlıq çağı baş ağrılarında ağrı tək bir nöqtədə yönəlmiş kimi təyin edilə bilər.

Uşaqlarda miqren hallarında ürəkbulanma, qusma, iştahsızlıq, işıq və ya səsdən narahatlıq kimi təsirlər meydana gəlir.

Gündəlik həyatda uşaqlıq çağı miqrenində ən çox rast gəlinən səbəb lazım olduğu qədər təmiz havaya çıxmamaq, idman etməmək, yuxu pozğunluqları və uzun müddət ekrana məruz qalmaq kimi vərdişlər hesab edilir.

Migreni olan uşaqlar üçün həyat tərzinin dəyişdirilməsi tövsiyə olunur. Bu dəyişikliklərdən sonra miqren hücumlarının yox olması ehtimalı var.

Gün ərzində su içməkdə çətinik çəkirsinizsə bunu hər saatda 1
stəkan olaraq qəbul edə bilərsiniz. Xüsusilə isti havada
orqanizminizi su ilə təmin etmək çox vacibdir.Bu kimi kiçik
nüanslara diqqət etməklə özünüzü bir çox xəstəliklərdən və
pozulmalardan qoruya bilərsiniz. Ən yaxşı seçim isə təbii, təmiz
və qazsız sulardır.Əgər qaynamış su istifadə edirsinizsə, o zaman
diqqətdə saxlayın ki, su çox qaynamamalıdır. İlk qabarcıqlar
əmələ gələn kimi çaydanı oddan götürün. Qaynanmış suyu 12
saatdan artıq saxlamayın.
Suyu asta-asta kiçik qurtumlarla içmək lazımdır. Çox soyuq su
içmək olmaz. Bu sağlamlığınız üçün zərərlidir. Hər zaman
yanınızda su saxlayın. Alimlər hər saata 1 stəkan su ilə özünüzə
verəbiləcəyiniz faydaları açıqlayıb. Medicaltv.az sizə hər 1
saatdan bir 1 stəkan su içməyin MÜHÜM FAYDALARI-nı təqdim
edir:

1. Arıqlama
Bu qaydaya əməl etməklə siz artıq çəkidən xilas ola bilərsiniz. Su
iştahanı azaldır, mübadilə proseslərini sürətləndirir. Bunlar isə
arıqlamağa kömək edir.
Bundan əlavə suyun tərkibində kalori yoxdur. Bu səbəbdən şirin
qazlı içkiləri, şirələri və s. təmiz su ilə əvəz etməklə siz daha az
kalori qəbul edəcəksiniz.
2. Sağlam ürək və damarlar
Amerika alimlərinin 6-illik araşdırması göstərib ki, gün ərzində 5
stəkandan az olmayaraq təmiz su içən insanlarda ürək-damar
xəstəliklərinin inkişafı riski 40% azalır.
Suyun kifayət miqdarda qəbulu qanı duruldur, qan damarlarda
daha sərbəst dövr edir ki, bu da ürəyə və damarlara olan
gərginliyi azaldır.
Lakin bu sağlam insanlara aiddir. Bəzi ürək-damar sistemi
xəstəlikləri zamanı həkimlər əksinə suyun miqdarını azaltmağı
tövsiyə edirlər.
3. Gümrahlıq
Susuzlaşma insanı yorğun, zəif edir. Bu səbəbdən özünüzü hər
zaman gümrah hiss etmək istəyirsinizsə, su için.
4. Baş ağrılarını azaldır

Bir çox hallarda baş ağrılarının səbəbi məhz suyun az miqdarda
qəbulu və orqanizmin susuzlaşması olur.
5. Cavan və sağlam dəri
Suyun az miqdarda qəbulu ilk növbədə dərimizə mənfi təsir edir.
Dəri tez qocalır, cansız və solğun görünür, dərinin rəngi pisləşir,
səpgilər əmələ gəlir.
Dərinizi cavan, gözəl, təmiz və sağlam saxlamaq istəyirsinizsə,
hər 1 saatdan bir 1 stəkan su için. Yalnız 1 həftə ərzində bu
qaydaya əməl etsəniz, effekt görə bilərsiniz.
6. Həzm sisteminin normal fəaliyyəti
Normal həzm prosesləri üçün kifayət qədər maye lazımdır.
Bəzən uzun müddət ərzində xroniki qəbizlikdən əziyyət çəkən
insanlar suyu kifayət miqdarda qəbul etməyə başladıqda bu
problemdən qurtulurlar.
7. Orqanizmin təmizlənməsi
Su orqanizmi ziyanlı maddələrdən (toksinlər, şlaklar, ağır
mealların duzları və s.) mexaniki olaraq təmizləyir. Ziyanlı
maddələrin orqanizmdə toplanması bir çox xəstəliklərin riskini
artırır.
8. Sağlam böyrəklər
Böyrəklərin sağlamlığı üçün suyun kifayət miqdarda qəbulu
olduqca çox vacibdir. Böyrəklər qanı təmizləyir, orqanizmdə filtr
funksiyasını yerinə yeririr. Susuzlaşma qanın qatılaşmasına
səbəb olur. Bu isə böyrəklərin işini çətinləşdirir.
Lakin onu da nəzərə almaq lazımdır ki, bəzi böyrək xəstəlikləri
zamanı suyun qəbulunu məhdudlaşdırmaq lazımdır.
9. Xərçəngin riskini azaldır
Çoxsaylı elmi araşdırmalar göstərib ki, kifayət miqdarda adi təmiz
su içən insanlarda istənilən növ xərçəngin riski azalır.
Vacib şərh! Suyu digər mayelərlə (çay, şirələr və s.) əvəz
etməyin. Bu lazım olan effekt verməyəcək.